Rabitə və İnformasiya Texnologiyaları Nazirliyinin, Heydər Əliyev Fondunun, Təhsil Nazirliyinin və AMEA-nın İnformasiya Texnologiyaları İnstitutunun təşkilatçılığı ilə 17 May – Dünya Telekommunikasiya və İnformasiya Cəmiyyəti Gününə həsr olunan “Ali məktəb tələbələri arasında informatika üzrə Ümumrespublika Olimpiadası”nın final mərhələsi 08.05.2010-cu il tarixində AMEA-nın İnformasiya Texnologiyaları İnstitutunda keçiriləcəkdir.
08.05.2010-cu il tarixində saat 09:00-da qeydiyyat başlayır. Qeydiyyat zamanı final mərhələsinə vəsiqə qazanmış bütün komandalaın üzvlərinin tələbə biletlərini və şəxsiyyət vəsiqələrini təqdim etmələri zəruridir.
Rabitə və İnformasiya Texnologiyaları Nazirliyinin, Heydər Əliyev Fondunun, Təhsil Nazirliyinin və AMEA-nın İnformasiya Texnologiyaları İnstitutunun təşkilatçılığı ilə 17 May – Dünya Telekommunikasiya və İnformasiya Cəmiyyəti Gününə həsr olunan “Ali məktəb tələbələri arasında informatika üzrə Ümumrespublika Olimpiadası” növbəti 5-ci dəfə keçirilmişdir. Olimpiadada iştirak üçün respublikanın 10 ali təhsil müəssisəsindən 42 komanda müraciət etmiş və qeydiyyatdan keçmişdir:
- Qafqaz Universiteti – 11 komanda
- Bakı Dövlət Universiteti – 8 komanda
- Azərbaycan Texniki Universiteti – 5 komanda
- Moskva Dövlət Universitetinin Bakı filialı – 5 komanda
- Azərbaycan Dövlət Neft Akademiyası – 4 komanda
- Gəncə Dövlət Universiteti – 3 komanda
- Azərbaycan Dövlət Pedaqoji Universiteti – 2 komanda
- Naxçıvan Dövlət Universiteti – 2 komanda
- Azərbaycan Dövlət Aqrar Universiteti – 1 komanda
- Azərbaycan Dövlət İqtisad Universiteti – 1 komanda
10 aprel 2010-cu il tarixində Qafqaz Universitetində olimpiadanın birinci mərhələsi olmuşdur. Qeydiyyatdan keçmiş 42 komandadan ikisi (Azərbaycan Texniki Universitetinin və Qafqaz Universitetinin komandaları) olimpiadaya gəlməyərək birinci mərhələdə iştirak etməmişdir. Birinci mərhələdə respublikanın 6 ali təhsil müəssisəsindən 20 komanda müvəffəqiyyət qazanaraq olimpiadanın final mərhələsinə vəsiqə qazanmışdır. Bu komandalar aşağıdakılardır:
- Qafqaz Universiteti – 8 komanda II mərhələyə vəsiqə qazanıb.
- Moskva Dövlət Universitetinin Bakı filialı – 5 komanda II mərhələyə vəsiqə qazanıb.
- Bakı Dövlət Universiteti – 4 komanda II mərhələyə vəsiqə qazanıb.
- Azərbaycan Texniki Universiteti – 1 komanda II mərhələyə vəsiqə qazanıb.
- Azərbaycan Dövlət Neft Akademiyası – 1 komanda II mərhələyə vəsiqə qazanıb.
- Naxçıvan Dövlət Universiteti –1 komanda II mərhələyə vəsiqə qazanıb.
Bu ilki olimpiadanın birinci mərhələsində respublikanın regionlarından iştirak edən komandaların artması ilə yanaşı yadda qalan hadisələrdən biri də, olimpiada tarixində ilk dəfə olaraq, tədbirə birinci dəfə qatılan və 5 komanda ilə iştirak edən Moskva Dövlət Universitetini Bakı filialının bütün komandalarının final mərhələsinə vəsiqə qazanmasıdır.
Olimpiadanın final mərhələsi 8 may 2010-cu il tarixində AMEA-nın İnformasiya Texnologiyaları İnstitutunda olacaqdır.
Qaliblər 17 May – Dünya Telekommunikasiya və İnformasiya Cəmiyyəti Gününə həsr olunan tədbirdə HP, Azerfon, Bakcell, Ultra, Sinam, Delta Telekom, RİSK şirkətlərinin təqdim etdiyi qiymətli hədiyyələrlə mükafatlandırılacaqlar.
