EN
RUXəbərlər
Bayram günlərində fasiləsiz rabitə xidmətləri göstəriləcək
19-Mar-13 14:07.
Rabitə və İnformasiya Texnologiyaları Nazirliyi Novruz bayramı günlərində əhalinin telekommunikasiya və informasiya texnologiyaları, o cümlədən mobil rabitə xidmətləri və radio-televiziya yayımı ilə yüksək səviyyədə təmin edilməsinə dair rabitə birlik və müəssisələrinə, həmçinin telekommunikasiya operatorlarına müvafiq tapşırıq və tövsiyələrini verib.
Bayram günlərində məsul növbətçilər təşkil edilməklə telekommunikasiya və informasiya texnologiyaları xidmətlərinin, radio-televiziya yayımının fasiləsiz və keyfiyyətli işinin təmin edilməsi, kabel və xətt zədələnmələrinin tam aradan qaldırılması, internetə çıxış sürətinin tələbata uyğun təmin olunması, poçt şöbələrinin iş rejiminin tənzimləyici qrafik üzrə qurulması, profilaktik, tikinti-quraşdırma işlərinin dayandırılması, rabitə obyektlərinin mühafizəsinin gücləndirilməsi, yanğın təhlükəsizlik texnikası qaydalarına ciddi əməl edilməsi üzrə müvafiq tədbirlər görüləcək. Təltif olundular
18-Mar-13 14:09.
Rabitə və İnformasiya Texnologiyaları Nazirinin əmri ilə “Aztelekom” İB-nin Metrologiya Şöbəsinin rəisi Vüqar Hüseyn oğlu Hüseynovun 60 yaşının tamam olması və rabitə sahəsində səmərəli əmək fəaliyyəti nəzərə alınaraq “Rabitə Ustası” Fəxri adı, Rabitə və İnformasiya Texnologiyaları Nazirliyinin Sumqayıt, Abşeron şəhərləri və Xızı rayonu üzrə səlahiyyətli nümayəndəsi Ağaəli Hacı oğlu Əmrahovun 50 yaşının tamam olması və rabitə sahəsində səmərəli əmək fəaliyyəti nəzərə alınaraq “Fəxri Fərman”la təltif ediliblər.
Bu gün “Aztelekom” İstehsalat Birliyində yubileyləri ilə əlaqədar Rabitə və İnformasiya Texnologiyaları Naziri tərəfindən... Novruz bayramı münasibətilə Azərbaycan xalqına təbrik
16-Mar-13 14:49.
 Sizi Novruz bayramı münasibətilə ürəkdən təbrik edir, hər birinizə cansağlığı, səadət və gələcək işlərinizdə yeni-yeni uğurlar arzulayıram.Keçmişimizin ən dərin qatlarından gələn Novruz bayramı xalqımızın mənəviyyat dünyasının ayrılmaz hissəsi olub, Odlar diyarında həmişə uca tutulmuşdur. Azərbaycanı qədim sivilizasiyanın mərkəzlərindən biri kimi tanıdan misilsiz dəyərlərimiz sırasında müqəddəs Novruz ənənələri müstəsna mövqeyə malikdir. Ötən dövrlərin təqib və təzyiqlərinə baxmayaraq, həmin ənənələri günümüzədək layiqincə qoruyub saxlaması xalqımızın bəşər mədəniyyəti qarşısında müstəsna xidmətlərindəndir. Nazir regionlarda vətəndaşlarla açıq görüşlər keçirəcək
15-Mar-13 14:07.
Rabitə və informasiya texnologiyaları naziri Əli Abbasovun Azərbaycanın bölgələrində göstərilən rabitə və informasiya texnologiyaları, həmçinin poçt, radio və televiziya yayımı xidmətlərinin keyfiyyət və problemləri ilə bağlı vətəndaşlarla açıq görüşləri keçiriləcək. “İnformasiya-kommunikasiya texnologiyaları ili” ilə bağlı Tədbirlər Planı yaxın günlərdə təsdiqlənəcək
15-Mar-13 14:02.
2013-cü ilin "İnformasiya-kommunikasiya texnologiyaları ili" elan edilməsi ilə bağlı hazırlanmış Tədbirlər Planı yaxın günlərdə təsdiqlənəcək. Sözügedən layihə Azərbaycan Respublikası Prezidentinin 2013-cü il 16 yanvar tarixli Sərəncamının icrası ilə əlaqədar hazırlanıb.
Layihədə "Təşkilati və ictimai tədbirlər", "Normativ-hüquqi baza və idarəetmənin təkmilləşdirilməsi", "İKT potensialının gücləndirilməsi", "İnformasiya cəmiyyəti və insan potensialının inkişafı", eləcə də "Beynəlxalq əməkdaşlıq" kimi əsas istiqamətlər nəzərdə tutulub. Şəhərlərarası danışıqlarda köhnə yığım qaydası dayandırılacaq
14-Mar-13 15:42.
Azərbaycan ərazisində telekommunikasiya şəbəkəsinin vahid nömrələmə sisteminə keçirilməsi üçün 2011-ci ildən etibarən yeni zona kodlarının tətbiqinə başlanılmışdır.
Bu vaxtadək respublikada yeni yığım formatı ilə paralel olaraq köhnə yığım qaydası da istifadə edilirb. Yeni sistemə keçidlə əlaqədar olaraq artıq 1 aprel 2013-cü il tarixindən köhnə yığım qaydası tam dayandırılacaq və yalnız yeni format tətbiq ediləcək. Yeni yığım formatı ilə Rabitə və İnformasiya Texnologiyaları Nazirliyinin, eləcə də Aztelekom İstehsalat Birliyinin saytlarından tanış olmaq mümkündür. IBM-in səhmləri rekord həddə çatıb
14-Mar-13 11:02.
IBM korporasiyasının səhmlərinin dəyəri çərşənbə günü Nyu-Yorkda keçirilən hərraclarda tarixi maksimuma çataraq kapitallaşma səviyyəsini 236,3 milyard dollara yüksəldib. Şirkətin səhmlərinin qiyməti 0,7 faiz artaraq 212,06 dollar təşkil edib ki, bu da hərracların keçirildiyi müddət ərzində rekord göstərici hesab edilir. İlin əvvəlindən ümumilikdə IBM-in səhmlərinin dəyəri hərraclarda 11 faiz bahalaşıb, Cybersecurity yazır.
Sərmayədarlar bildirilər ki, korporasiyanın səhmlərinin dəyərinin artmasına səbəb səhmlər üzrə gəlir proqramının əvvəlcədən elan olunmasıdır. Beynəlxalq Telekommunikasiya İttifaqı baş katibinin müraciəti
13-Mar-13 14:22.
2013-cü il üçün 17 may - Ümumdünya Telekommunikasiya və İnformasiya Cəmiyyəti Gününün mövzusu “İKT və yol hərəkətinin təhlükəsizliyinin artırılması”dır.
İKT cəmiyyətin bütün təbəqələrində insanlar üçün imkanların yaradılmasında katalizator rolunu oynayır. Bu gün avtomobillə küçəyə çıxarkən biz bütün dünya ilə əlaqə qura, intensiv hərəkət şəraitində yol aça, tanış olmayan yerdə yolu tapa bilərik və bunların hamısını əl altında olan alətlərin köməyi ilə etmək mümkündür. Həmçinin ixtiyarımızda musiqi, radio, televiziya və sosial şəbəkələr kimi çoxsaylı əyləncə imkanları var.
Qeyd olunan texnologiyalar getdikcə hər yerdə təşəkkül tapır, buna görə biz onlardan istifadə edərkən məsuliyyətli olmalı və xüsusilə qəza və xəsarətlərə yol verməmək üçün avtomobili ehtiyatla idarə etməliyik. Alimlər robotlar üçün internet-beyin icad ediblər
12-Mar-13 14:02.
Avropa alimləri robotlara insanlar arasında özünü idarə etməkdə kömək edəcək Rapyuta adlanan internet-beyini işə salıblar. İnternet-beyin robotların real dünyada qarşılaşa biləcəkləri obyektlərin siyahısı haqqında ümumi istifadə üçün nəzərdə tutulan informasiya bazasından ibarətdir. Rapyuta həmçinin robotların hesablamalı olduqları məsələlərin bir hissəsini öz üzərinə götürəcək, Lenta yazır.
İnternet-beyin Avropanın RoboEarth layihəsi çərçivəsində yaradılıb. Alimlərin məlumatına görə, robotlar biliklərin idiosinkraziya bazasını yaratmaq əvəzinə proqramda nəzərdə tutulmayan arzuolunmaz vəziyyətə düşdükdə və ya naməlum obyektlə rastlaşdıqda sadəcə olaraq Rapyuta-ya müraciət edəcəklər. Azərbaycan Prezidenti Xorvatiyada səfərdədir
11-Mar-13 14:30.
Azərbaycan Respublikasının Prezidenti İlham Əliyev martın 10-da Xorvatiya Respublikasına rəsmi səfərə gəlib. Zaqreb Beynəlxalq Hava limanında Prezident İlham Əliyevin şərəfinə fəxri qarovul dəstəsi düzülmüşdü. “Aztelekom” İB-nin möhtəşəm tədbiri
07-Mar-13 17:13.
 İnformasiya-kommunikasiya texnologiyaları sahəsinin ən son nailiyyətlərini ölkəmizin bütün regionlarında da tətbiq etməklə “rəqəmsal uçurum”un aradan qaldırılması istiqamətində mühüm islahatlara həyat vəsiqəsi vermiş “Aztelekom” İstehsalat Birliyi regionlarda, xüsusi ilə də ucqar yaşayış məntəqələrində yaşayan sakinlərin elektron xidmətlərdən daha aktiv istifadə etmələri üçün yeni layihəyə start verir. Ölkənin bütün yaşayış məntəqələrinin telefonlaşdırılması, şəbəkənin tam elektronlaşdırılması, istənilən yerdə internetə məhdudiyyətsiz çıxış imkanının yaradılması kimi layihələri uğurla həyata keçirmiş “Aztelekom” İstehsalat Birliyinin...
“Aztelekom.NET – Sərhədləri aşan internet” Xaçmazda
07-Mar-13 10:15.
2013-cü ilin Azərbaycan Respublikasında “İnformasiya-kommunikasiya texnologiyaları ili” elan edilməsi çərçivəsində genişzolaqlı internetin təbliği, tələbatın öyrənilməsi, mövcud və ya yarana biləcək problemlərin operativ aradan qaldırılması və proflaktik tədbirlərin görülməsi məqsədilə istifadəçilərlə canlı ünsiyyətin qurulması, onlarla birbaşa görüşlərin təşkil olunmasına başlanılmışdır. Belə görüşlərdən ilki bu gün Xaçmaz şəhərində keçirilir
Əziz xanımlar, bayramınız mübarək!
06-Mar-13 14:36.
Bu gün 8 mart – Beynəlxalq Qadınlar Günü münasibətilə “Aztelekom” İstehsalat Birliyində tədbir keçirildi. Baş direktor Məhəmməd Məmmədov birliyin qadın kollektivini Beynəlxalq Qadınlar Günü münasibətilə təbrik edərək, onların hər birinə cansağlığı, səadət və müvəffəqiyyətlər arzuladığını bildirdi.
Baş direktor xüsusi vurğuladı ki, Azərbaycan Respublikasının Prezidenti lham Əliyev cənablarının 8 mart – Beynəlxalq Qadınlar Günü münasibətilə Azərbaycan qadınlarına təbrikində deyildiyi kimi “...müstəqil Azərbaycanın qazandığı bütün böyük uğurlarda qadınların misilsiz xidmətləri vardır. Xaçmazda konsert-tədbir keçiriləcək
05-Mar-13 14:08.
 Aztelekom.net-in istifadəçilərinə hədiyyə yağışı olacaq2013-cü ilin Azərbaycan Respublikasında “İnformasiya-kommunikasiya texnologiyaları ili” elan edilməsi haqqında Azərbaycan Respublikasının Prezidentinin sərəncamında göstərilən istiqamətlər və tapşırıqlara uyğun olaraq, “Aztelekom” İB-də də geniş proqram hazırlanıb, həyata keçirilməsinə başlanılmışdır. Sərəncamda qeyd olunduğu kimi “Azərbaycan Respublikasının inkişafı naminə informasiya və kommunikasiya texnologiyaları üzrə Milli Strategiya”nın (2003–2012-ci illər)” gerçəkləşdirilməsi... 8 mart – Beynəlxalq Qadınlar Günü münasibətilə Azərbaycan qadınlarına təbrik
05-Mar-13 09:36.
 Hörmətli xanımlar! Əziz analar və bacılar! Sizi Beynəlxalq Qadınlar Günü münasibətilə ürəkdən təbrik edir, hər birinizə cansağlığı, səadət və müvəffəqiyyətlər arzulayıram. Azərbaycan qadını mənəvi təbiətinə sadiq qalaraq, zərifliyin, ülviliyin və gözəlliyin rəmzi olan adının ucalığını həmişə layiqincə qoruyub saxlamışdır. Tarix boyu o, özünün müdrikliyi, işgüzarlığı və saflığı ilə keçmişimizə parlaq səhifələr yazmışdır. Milli-əxlaqi dəyərlərimiz, mədəni-tarixi irsimiz və xalq adət-ənənələri xəzinəmiz məhz ...Görülən 421 - 435 qədər, 770 xəbərdən |
