EN
RUXəbərlər
İngilisdilli Wikipedia SOPA qanun layihəsinə etiraz əlaməti olaraq işini dayandırıb
18-Jan-12 16:55.
İngilisdilli Wikipedia SOPA qanun layihəsinə etiraz əlaməti olaraq işini dayandırıb
Wikipedia internet ensiklopediyasının ingilisdilli versiyası Stop Online Piracy Act (SOPA) piratlıq əleyhinə olan qanun layihəsinə etiraz əlaməti olaraq bir sutkalıq müddətə bağlanıb.
Resurs işini yanvarın 18-də Bakı vaxtı ilə saat 09:00-da dayandırıb.
“On ildən artıq müddət ərzində biz bəşəriyyət tarixində ən iri ensiklopediyanın yaradılması üçün milyonlarla saat vaxt sərf etmişik, - bununla bağlı bəyanatda deyilir. – Hazırda ABŞ Konqresi azad və açıq internetə qaçılmaz ziyan vura biləcək qanun layihəsini müzakirə edir. Biz həyəcan təbili çalmaq üçün Wikipedia-nın işini 24 saatlıq dayandırırıq”.
İlk telekommunikasiya peykinin orbitə buraxılması tarixi hadisə olacaq
17-Jan-12 14:35.
İlk telekommunikasiya peykinin orbitə buraxılması tarixi hadisə olacaq.
 Azərbaycanda telekommunikasiya sahəsi uğurla inkişaf edir. Bu sözləri yanvarın 16-da Nazirlər Kabinetinin 2011-ci ilin sosial-iqtisadi inkişafının yekunlarına və 2012-ci ildə qarşıda duran vəzifələrə həsr olunmuş iclasında Azərbaycan Prezidenti İlham Əliyev bildirib.
“Bu il biz birinci Azərbaycan telekommunikasiya peykini orbitə buraxacağıq. Bu, tarixi hadisə olacaqdır. Azərbaycan kosmik sənaye yaradır. Azərbaycan kosmik sənayeyə malik olan ölkələr sırasına daxil edilir. Bu, uzaqgörən siyasətimizin nəticəsidir”, ölkə başçısı nitqində deyib.
Əmmanda Azərbaycan
16-Jan-12 11:46.
Əmmanda Azərbaycan-İordaniya birgə işçi qrupunun ilk iclası keçiriləcək
 Bu gün İordaniyanın paytaxtı Əmmanda 12 oktyabr 2009-cu il tarixində imzalanmış “Azərbaycan Respublikasının Rabitə və İnformasiya Texnologiyaları Nazirliyi və İordaniya Haşimilər Krallığının İnformasiya və Kommunikasiya Texnologiyaları Nazirliyi arasında informasiya və kommunikasiya texnologiyaları sahəsində əməkdaşlıq haqqında Anlaşma Memorandumu”nun icrasını təmin etmək məqsədilə yaradılmış birgə işçi qrupunun ilk iclası keçiriləcək.
Yüksək səviyyəli domenlərin qeydiyyatı üçün ərizələrin qəbuluna başlanılır
13-Jan-12 12:32.
Yüksək səviyyəli domenlərin qeydiyyatı üçün ərizələrin qəbuluna başlanılır
 İnternet şəbəkəsində domen məkanının idarəedicisi ICANN korporasiyası bu gündən etibarən aprelin 12-dək bütün arzu edənlərdən yüksək səviyyəli domenlərin qeydiyyatı üçün ərizələrin qəbuluna başlayır. İndi ünvanların ənənəvi .com, .org və ya .az kimi sonluqların əvəzinə praktiki olaraq istənilən sözdən, hətta latın dilində olmayan sözlərdən istifadə etmək mümkün olacaq.
Personal kompüterlər bazarı 10 il ərzində ən uğursuz nəticə göstərib.
12-Jan-12 12:45.
Personal kompüterlər bazarı 10 il ərzində ən uğursuz nəticə göstərib.
 Son 10 il ərzində dünya bazarında personal kompüterlərin (PK) illik tədarükü üzrə ən az artım qeydə alınıb. IDC tədqiqat şirkətinin analitiklərinin ilkin hesablamalarına görə, 2011-ci ildə dünyada 352,4 milyon kompüter satılıb. 2010-cu illə müqayisədə artım cəmi 1,6 faiz olub.
Eyni zamanda, Gartner tədqiqat şirkətinin məlumatına görə, artım daha az – 0,5 faiz təşkil edib. Gartner-in ekspertləri hesablayıblar ki, ötən il dünya bazarına 352,8 milyon personal sistem təchiz edilib.
Cnews-un məlumatına əsasən, 2011-ci ilin dördüncü rübündə PK tədarükü ötən ilin analoji dövrü ilə müqayisədə hətta azalıb. Belə ki, IDC-in məlumatına görə, PK tədarükü 0,2 faiz azalaraq 92,9 milyon qurğu, Gartner-ə görə, 1,4 faiz enərək 92,2 milyon sistem təşkil edib.
İnformasiya Texnologiyaları Evində təlimlər keçirilir
11-Jan-12 11:02.
İnformasiya Texnologiyaları Evində təlimlər keçirilir
Kurslarda dinləyicilərə informasiya texnologiyaları ilə bağlı ilkin biliklər, kompüter və proqram təminatı haqqında ümumi məlumatlar verilir. Word, Excel proqramlarında, internetdə əməliyyatların aparılması öyrədilir.
Görülən 385 - 390 qədər, 394 xəbərdən |
Ötən ilin oktyabrında Azərbaycan Tələbə Gənclər Təşkilatları İttifaqının nəzdində Gənclər və İdman, Rabitə və İnformasiya Texnologiyaları nazirliklərinin dəstəyi ilə açılmış “İnformasiya Texnologiyaları Evi”ndə 2011-ci ilin noyabrından gənclərin kompüter biliklərinin artırılması məqsədi ilə keçirilən təlimlər davam edir.