İKT Xəbərləri

Azərbaycan Prezidenti BakuTel -2012 sərgisinin ekspozisiyası ilə tanış olub

Bu gün Bakıda BakuTel -2012 18-ci Beynəlxalq telekommunikasiya və informasiya texnologiyaları sərgi və konfransı öz işinə başlayıb.   

Azərbaycan Respublikasının Prezidenti İlham Əliyev tədbirə gələrək sərginin pavilyonu ilə tanış olub. Dövlət başçısına nümayiş etdirilən məhsul və xidmətlər barədə ətraflı məlumat verilib.

Sərgi keçirildiyi illər ərzində yüksək texnologiyalar sahəsində son nailiyyətlərin nümayiş etdirilməsi üçün mühüm meydançaya çevrilib. Dörd gün ərzində sərginin ekspozisiyası telekommunikasiyalar və şəbəkələr, genişzolaqlı rabitə və texnologiyalar, kabel və simsiz rabitə, peyk rabitəsi və texnologiyalar, televiziya və radio yayımı avadanlıqları, proqram təminatı və avtomatlaşdırma sistemləri, İT və ofis texnologiyaları kimi seqmentləri əhatə edəcək.  

Qeyd edək ki, ilk dəfə olaraq BakuTel ilə eyni vaxtda İnternet İdarəçilik Forumu - IGF 2012 keçiriləcək. Tədbir BMT və Azərbaycan hökuməti tərəfindən birgə təşkil edilib.

http://mincom.gov.az

Xəbər 76 dəfə oxunub