NPD DisplaySearch nümayəndələri bildirirlər ki, hazırda televizor bazarı dünyada iqtisadi vəziyyətin pisləşməsi, qiymətlərin enməsi prosesinin yubanması, televizorlar üçün 3D formatlı kontentin çatışmaması kimi səbəblərdən azalır. Başlıca mənfi amil isə istehlakçıları yeni model almağa hazırlaşan zaman bu barədə iki dəfə fikirləşməyə məcbur edən əlverişsiz bazar şəraitdir, Cybersecurity yazır. 

Son bir neçə rüb ərzində televizor bazarı artıq əvvəllər məhsul tədarükünə təsir göstərən konkret problemlərlə üzləşməyə başlayıb. Belə ki, ötən ilin ikinci rübündə maye-kristal televizorların tədarükü 3 faiz azalaraq 43,1 milyon ədəd olmuşdu. Həm də bu sahədə azalma bazar həcminin daima aşağı düşməyə başladığı son bir neçə il ərzində ilk dəfə qeydə alınmışdı.