Samsung Electronics şirkəti ABŞ bazarında 1,4 milyon Galaxy Tab planşet kompüteri satıb. Bu, Apple şirkətinin ümumi satışlarının 4 faizini təşkil edir.

Müqayisə üçün qeyd edək ki, Apple bu vaxtadək ABŞ-da 34 milyon iPad planşet kompüter modeli satıb.

Göstərilən 1,4 milyon həcmin 725 mini orijinal Galaxy Tab, 585 mini Galaxy Tab 10.1 modellərinin və 127 mini LTE texnologiyasını dəstəkləyən planşetlərin payına düşüb, Cnews yazır.

ABŞ-dakı planşet biznesi Samsung-a 2010-cu ilin sonundan hazırkı vaxtadək olan müddət ərzində 644 milyon dollara yaxın məbləğdə qazanc gətirib. Öz növbəsində Apple şirkətinə təkcə iPad modeli 19 milyard dollardan çox mənfəət qazandırıb.