Finlandiyanın Nokia şirkəti aktivlərini satmaqda davam edərək maliyyə vəziyyətini yaxşılaşdırmağa və diqqətini özü üçün daha mühüm olan istiqamətlərə - Windows Phone smartfonlarına və Series 40 bazasında ucuz telefonlara yönəltməyə ümid edir. Avqustun 9-da müxtəlif mobil texnologiyaların işlənib hazırlanmasında ixtisaslaşan ABŞ-ın Vringo şirkəti Nokia-ya məxsus 500 patenti almasını açıqlayıb.   

Patentlərin kommunikasiyaların idarə olunması, siqnalın ötürülməsi və mobil rabitə infrastrukturu texnologiyaları ilə əlaqədar olması barədə məlumat verilir. Alqı-satqının dəyəri ictimaiyyətə bildirilmir, Cybersecuritysaytı yazır.