Aprelin 3-4-də Qazaxıstanın paytaxtı Astanada Regional Rabitə Birliyinin (RRB) informasiyalaşdırma və informasiya təhlükəsizliyi üzrə komissiyalarının 27-ci və 14-cü iclasları keçirilir.

Tədbirdə Azərbaycan rabitə administrasiyasının nümayəndəsi iştirak edir.

İclaslarda RRB iştirakçısı olan ölkələrdə elektron hökumətin qurulması və inkişafı, internet şəbəkəsində transsərhəd etimad məkanının yaradılması, informasiya təhlükəsizliyinin təmin edilməsi, eləcə də həlli birlik ölkələrinin ümumi informasiya-kommunikasiya məkanının yaradılmasına xidmət edəcək bir sıra aktual məsələlərin müzakirəsi planlaşdırılır.

Qeyd edək ki, iclaslarla eyni vaxtda informasiya təhlükəsizliyi məsələləri üzrə beynəlxalq seminar da keçiriləcək.