Bu günlərdə Münhendə (Almaniya) Avropa Qrid İnfrastrukturu Forumu (EGI Community Forum) və II texniki konfrans keçirilir.    

Forumda ölkəni Azərbaycan Milli Elmlər Akademiyasının (AMEA) İnformasiya Texnologiyaları İnstitutunun direktoru Rasim Əliquliyev təmsil edir. Forum çərçivəsində qrid texnologiyaları ilə bağlı elmi-texniki yeniliklər, problemlər və əməkdaşlıq perspektivləri müzakirə olunur, eləcə də EGI-yə üzv elmi-tədqiqat qruplarının öz işlərini təkmilləşdirmək məqsədilə mövcud xidmətlər və texnologiyalar nümayiş etdirilir.  
Forumun əsas məqsədi Avropa tədqiqat sahəsində elmi-innovasiya fəaliyyətində EGI-nin əhəmiyyətli xidmətlərini nümayiş etdirməkdən ibarətdir.