Martın 12-də Azərbaycan Prezidenti İlham Əliyevin və Xorvatiya Prezidenti İvo Yosipoviçin iştirakı ilə Azərbaycan-Xorvatiya biznes forumu keçirilib. 
Prezident İlham Əliyev biznes forumda çıxış edərək deyib ki, tədbir biznesi birgə aparmaq üçün bir çox imkanlar açır. Dövlət başçısı nitqində respublikada iqtisadiyyatın şaxələndirilməsinə yönələn islahatları qeyd edib. Xüsusilə Azərbaycan Prezidenti bildirib ki, “bir neçə il bundan öncə biz iqtisadi siyasətimizdə yeni bir istiqaməti - “qara qızıl”ın insan kapitalına çevrilməsi”ni özümüz üçün strategiya kimi seçdik və hazırda bu sahədə artıq uğurlar müşahidə olunur”.

Hazırda Azərbaycanda informasiya texnologiyaları sahəsinin inkişafı üçün sərmayələr qoyulur, dövlət başçısı qeyd edib. “Biz kosmos sənayesi yaradırıq. Ümid edirik ki, biz cari ilin sonuna qədər ilk telekommunikasiya peykimizi buraxacağıq”, deyə Prezident İlham Əliyev əlavə edib.