Hər gün dünyada təxminən 850 min Android-qurğu aktivləşdirilir, onların ümumi sayı isə 300 milyondur, bunun da 12 milyonunu planşetlər təşkil edir. Bu məlumatları Android əməliyyat sisteminin sahibi Google şirkəti açıqlayıb. Google-un mobil bölməsinin vitse-prezidenti Endi Rubinin sözlərinə görə, şirkət hesablamanı obyektiv aparır və misal üçün hər qurğunu onun unikal identifikasiya nömrəsinə uyğun olaraq yalnız bir dəfə qeydə alır.

E.Rubin qeyd edib ki, aktivləşdirmələrin sayına görə, Samsung Galaxy Tab 10.1 ən populyar planşet hesab olunur.

Android Market mağazası haqqında danışan Google nümayəndəsi bildirib ki, hazırda 450 mindən çox əlavə mövcuddur, halbuki bir il əvvəl onların sayı 160 min olub, Onliner yazır.