Apple şirkəti tərtibatçılardan birinin San-Fransisko şəhərinin barında unudaraq qoyub getdiyi iPhone 5 modelinin prototipini axtarır. Şirkətin təhlükəsizlik xidməti qurğunu götürənin izinə düşərək onun sözügedən kafe yaxınlığında yaşayan gənclərdən biri olduğunu müəyyənləşdirə bilib. Gənc oğlan telefonun itdiyi barədə xəbəri olmadığını bəyan edib. Buna baxmayaraq, polis onun icazəsi ilə evində axtarış aparıb, lakin polis əməkdaşlarının axtarışı bir nəticə verməyib.

Analitiklər Apple brendinin pərəstişkarları üçün qiymətsiz sayılan məhsulun artıq internet vasitəsilə satıldığını güman edirlər, Vesti yazır.

Xatırladaq ki, bu insident Apple şirkətinin məxfi smartfonun itməsi ilə bağlı ilk hal deyil. Belə ki, yarım il əvvəl oxşar hadisə iPhonе 4G modeli ilə baş vermişdir. O vaxt barda unudulan qurğunu tələbə taparaq onu 5 min dollara sata bilmişdir.

Bununla yanaşı, bəzi mətbu orqanlarının yazdığına görə, qurğunun itməsi barədə məlumatın yayılması şirkətin yeni modelin bazara çıxması ərəfəsində potensial alıcıların diqqətini cəlb etmək məqsədi ilə həyata keçirdiyi bir reklam kampaniyasıdır.

http://www.mincom.gov.az/