AzTelekom IB istifadəçilərinə Azərbaycan respublikasının istənilən regionundan şəhərlərarası telefon xidmətlərini təklif edir. Belə ki, avtomatik və ya sifarişli xidmət növündən istifadə edərək abunəçi dünyanın istənilən nöqtəsi ilə əlaqə yarada bilər.

Beynəlxalq zənglər AzTelekom abunəçilərinə 24 saat ərzində dünyanın istənilən nömrəsinə zəng etməyə imkan verir. Bu xidmətdən həm avtomatik beynəlxalq zənglər xidməti, həm də operator vasitəsi ilə istifadə eləmək olar.

«107» - Sifarişli şəhərlərarası və beynəlxalq rabitə xidməti

Hazırda bu xidmətdən minlərlə abunəçi istifadə edir. Telefonun avtomatik şəhərlərarası çıxışı («0») bağlı olduğu halda sadəcə «107» yığmaqla şəhərlərarası və beynəlxalq istiqamətlərdə danışıq sifariş verilə bilər. Sifariş həmin an və yüksək keyfiyyətlə həyata keçirilir. Əvvəlcədən sifariş verməklə hətta telefon olmayan yerlərlə əlaqə yaratmaq mümkündür. Yəni, bu xidmət vasitəsilə istifadəçinin MDB məkanında istənilən ünvana əsasən rabitə yaratmaq imkanlı var. «107» Sifarişli rabitə xidməti abunəçilər üçün rahatlıq deməkdir. Xüsusən «0»-a çıxışı bağlı olan və şəhərlərarası və beynəlxalq rabitə xidmətlərindən az istifadə edənlər üçün bu xidmət çox əlverişlidir.