Xəbərlər

Mobil ödənişlər 10 ilə nağd və kart əməliyyatlarını üstələyəcək

21.04.2016

Britaniyanın “Co-op” supermarketlər şəbəkəsi yaxın illərdə mobil ödənişlərdən istifadənin sürətlə artacağını proqnozlaşdırır. Şirkətin proqnozuna görə, mobil telefonlar vasitəsilə həyata keçirilən kontaktsız tranzaksiyalar təkcə nağd hesablaşmaları deyil, həm də hazırda artımı müşahidə edilən kart əməliyyatlarını üstələyə biləcək. Şirkət bu qənaətə 2800 mağazaya və 120 min ödəniş terminalına malik şəbəkəsində istehlakçıların davranışını və ticarət tendensiyalarını tədqiq etdikdən sonra gəlib.

Ölkəmiz "TİBO-2016" Beynəlxalq İnformasiya-Kommunikasiya Sərgi-Forumunda təmsil olunub

20.04.2016

Rabitə və yüksək texnologiyalar naziri Ramin Quluzadənin rəhbərliyi ilə dövlət, özəl və qeyri-hökumət təşkilatlarından ibarət 40-a yaxın Azərbaycan nümayəndə heyəti Belarus Respublikasının Minsk şəhərində cari ilin 19-22 aprel tarixlərində keçirilən "TİBO-2016" Beynəlxalq İnformasiya-Kommunikasiya Sərgi-Forumunda iştirak edib.

Qeyd edək ki, 23-cü dəfə təşkil olunan "TİBO-2016" ixtisaslaşmış sərgisi Müstəqil Dövlətlər Birliyi və Baltikyanı ölkələrin ən böyük İKT tədbirlərindən biri hesab olunur.

Rabitə və Yüksək Texnologiyalar Nazirliyi tərəfindən “Nardaran Bilik Evi”nə kompüter dəstləri təqdim edilib

20.04.2016

Rabitə və Yüksək Texnologiyalar Nazirliyi (RYTN) tərəfindən Azərbaycan Respublikasının Prezidenti yanında Bilik Fondu ilə əməkdaşlıq çərçivəsində Nardaran qəsəbəsinin gənclərinin maariflənməsi, ixtisaslaşması, qlobal məkana inteqrasiyası, informasiya-kommunikasiya texnologiyalarından istifadə üzrə bacarıqlarının inkişaf etdirilməsinə dəstək məqsədilə "Nardaran Bilik Evi"nə müasir kompüter dəstləri təqdim edilib.

İnsanı izləmək üçün onun telefon nömrəsini bilmək kifayətdir

19.04.2016

Müasir smartfonlarda aşkar edilmiş növbəti boşluq bahalı avadanlıqdan istifadə etmədən bu qurğu sahiblərini izləməyə imkan verir. Müəyyən şəxsi izləmək üçün haker və hüquq-mühafizə təşkilatlarının nümayəndələrinə yalnız onun mobil telefon nömrəsi lazımdır.

“Security Research Labs” şirkətinin təsisçisi, informasiya təhlükəsizliyi sahəsində alman mütəxəssisi Karsten Nol bu haqda açıqlama verib. Bu haqda cənab Nol ABŞ-da populyar olan "60 dəqiqə" televiziya verilişində məlumat verib və sübut kimi real vaxt rejimində izləmə prosesini nümayiş etdirib.

Görülən 65 - 68 qədər, 1149 xəbərdən